Exposición de vitrales de María Goretti Bello

María Goretti Bello nos muestra sus vitrales de arte contemporáneo en la Sala de Exposiciones de nuestra sede social que permanecerán expuestos hasta el día 2 de mayo.

Goretti xoga coa alegría. Xoga á alegría. Faino coa cor e o divertimento dos materiais. Emprega óleo, lápis de cor, rotuladores, lenzos, papel, cartón, fotocopias de gran formato, todo o que lle sexa acaído á preparación do que vai ser o vitral -dixo-. Utiliza un elemento arquitectónico para o mesmo para o que fora concibido na súa época. Para a luz, a espiritualidade, a fascinación e a celebración da alegría. Engádeo -matino- ao noso tempo como queréndolle devolver precisamente o que un pouco foi perdendo. Utiliza cores enérxicas, vivaces, motivacionais, abertas e moi próximas á escala primaria. Manexa esas cores con carácter, nunha exploración das posibilidades da harmonía, mais coa forza que decontado se transmite na síntese visual.

Escolle, Goretti, unha temática que transporta a esa cor os motivos da cultura que a concibía na pedra. Unha temática moi nosa. Espirais, ondas, vexetais, círculos, cruciformes e símbolos, coma o da Tau, fusionando a súa tradición coa da cruz céltica.

Laura Rios (La Voz)